"Kwadradong Mga Ngiti
Sa May Haligi Ng Bahay Namin"

Kahapon lang
Nariyan
Nakasabit
Kwadradong mga ngiti
Wari ay
Wala nang bukas
Ipinunla
Ng iyong pag-aaruga,
Kalinga, atensyon
Pinagyabong
Ng 'yong aral
Ukol sa
Pagsisikap
Pagtitiis
Tagumpay

Kahapon lang
Nariyan
Nakasabit
Sa pakong nakabaon
Sa may haligi ng bahay namin

Ngayon
Wala na ang kwadro
Kinain ng anay
Wala na ang haligi
Bumaha
Tinangay
Wala na ang mga ngiti
Inanod,
Inanay.

Yayie---4/28/'86